簡樸房認證 10 問 – BHU in HK全方位簡樸房認證服務

簡樸房認證 10 問

1. 我一定要做認證？

如果你繼續分租單位收租，就要喺2026年3月至2027年2月期間登記，之後喺寬限期內完成認證。但如果你將成個單位一次過租俾一個租客（唔分租），就唔使理呢個制度。村屋、工廈同天台僭建物唔喺今次規管範圍，但都唔代表可以合法出租。

2. 點樣開始第一步？

唔使自己估估吓，我哋提供兩種初步評估方案，幫你搞清楚個單位情況先再決定下一步：

📋 初步評估服務
方案 A：指明專業人士親身到場
$2,800 – $3,500 / 每個完整單位
由團隊內的指明專業人士（註冊建築師、相關界別的註冊專業工程師，或建築測量組別的註冊專業測量師）親自上門視察，即場分析講解，並按單位實際情況提供工程建議。
方案 B：資深項目主任到場
$1,200 / 每個完整單位
由資深項目主任到場核察，專業同事負責前期檢查及資料整理，所有資料交由團隊內的指明專業人士審閱後出具評審報告及工程建議。

✔️ 親身到現場視察
✔️ 即場分析及講解
✔️ 完整 PDF 檔初步評審報告（由指明專業人士撰寫）
✔️ 工程改進建議

3. 咩人先可以幫我做認證？

政府指定嘅「指明專業人士」包括註冊建築師、註冊專業工程師（結構、屋宇設備等）或註冊測量師。每個原單位只需要搵一位。佢哋簽咗嘅報告有法律效力，如果出錯要負責任，所以唔係隨便搵個師傅就得。

4. 認證流程係點？要幾耐？

整個流程分3步：首先做初步評估，了解單位現況同改善空間；跟住進行所需工程整改；然後由指明專業人士正式核證，確認符合標準；最後向房屋局提交申請，審批通過就攞到認證。順利嘅話4至6個月，要大執嘅話可能成年。越早開始，彈性越大。

5. 工程費大概幾錢？

睇你要改幾多嘢。小修小補（換消防設備、調走廊）大約3萬至6萬；中度改進（加通風、改電錶、執間隔）6萬至11萬；大執（改結構、大規模水電）11萬至16萬或以上。實際要睇單位情況，所以先做評估再決定值唔值得投資。

6. 點解認證收費會唔同？

認證唔係簽個名咁簡單。專業人士要親身上門視察1至3個鐘、寫報告畫圖則、審核公契圖則消防證書、有時仲要搵其他工程師幫手。認證有效期5年，期間出事佢哋都要孭責任，所以收費因應工作量同複雜程度而定。平嘢唔一定好，搵有經驗嘅團隊先有保障。

7. 2030年先執法，使唔使咁早搞？

好多業主都係咁諗，但有幾個風險。早鳥免費優惠得2026年3月至2027年2月；2027年3月起冇登記隨時被執法；2029年9月起未認證就簽唔到新租約，租客一走你就手停口停。到時個個趕住做，工程公司排期爆、收費貴，仲可能趕唔切。早啲做評估，起碼知自己個單位係咩情況，再決定點部署。

8. 我個單位值唔值得花錢整改？

呢個係最實際嘅問題。通常值得繼續做：原單位夠大、每間房超過8平方米、走廊夠闊、改建費低過兩年租金收入。通常唔值得：幾間房都唔夠8平方米、要大幅減房、改建費高過三四年租金、或者你本身打算賣樓。與其自己估，不如做個評估睇清楚盤數再決定。

9. 完成初步評估後，我會知道啲咩？

你會收到一份完整PDF評審報告，清楚列明：你個單位現時符合邊啲標準、邊啲地方唔達標要改、需要做咩工程、大概工程費用預算、以及我哋嘅專業建議——究竟值唔值得繼續投資做認證，定係考慮其他出路。睇完份報告，你就有晒資料做決定，唔使靠估。

10. 登記同認證係咪同一樣嘢？

唔係，好多業主搞亂咗。登記係免費向房屋局報備你有劏房，做咗先有36個月寬限期慢慢整改。認證係要搵專業人士核實你個單位達標，政府收費每間房HK$3,000，早鳥期有減免。記住：登記只係買時間，認證先係最終目標。